തേഞ്ഞിപ്പലം : ദേശീയപാതയില്‍ അപകടപരമ്പരയ്ക്ക് പ്രശസ്തി നേടിയ പാണമ്പ്ര വളവില്‍ വീണ്ടും അപകടം.
നിയന്ത്രണം വിട്ട ലോറി ഡിവൈഡറില്‍ ഇടിച്ചുകയറിയാണ് കഴിഞ്ഞ ദിവസം രാത്രി അപകടമുണ്ടായത്. കോഹിനൂര്‍ ഭാഗത്തുനിന്നും ചേളാരി ഭാഗത്തേക്ക് പോകുന്ന ചരക്കുലോറിയാണ് വെള്ളിയാഴ്ച രാത്രി ഒന്‍പതോടെ അപകടത്തില്‍ പെട്ടത്.
ലോറി ഇടിച്ചുകയറിയതുമൂലം ഡിവൈഡറും പൊളിഞ്ഞു.ജീവനക്കാരനും മറ്റുയാത്രക്കാരും നാട്ടുകാരും ചര്‍ന്ന് ലോറിയെ ഡിവെഡറില്‍ നിന്നും പൊക്കിയെടുത്ത് റോഡിലിറക്കി. ഡ്രൈവര്‍ മാത്രമായിരുന്നു വാഹനത്തിലുണ്ടായിരുന്നത്. പരുക്കൊന്നുമില്ല.