അയോധ്യ: അഹിന്ദുക്കളില്‍ നിന്ന് ഹിന്ദുക്കളെ സംരക്ഷിക്കാന്‍ വിശ്വഹിന്ദു പരിഷത്തിന്റെ യുവജന വിഭാഗമായ ബജ്‌റംഗ്ദളിന്റെ മോക്ക്ഡ്രില്‍. അയോധ്യയിലാണ് തോക്കും വാളും കുറുവടിയുമായി പരിശീലനം നടത്തുന്നത്. ഇതു സംബന്ധിച്ച് ദേശീയ മാധ്യമങ്ങളാണ്  ദൃശ്യങ്ങള്‍ പുറത്തുവിട്ടത്. മോക്ക്ഡ്രില്‍ ദൃശ്യങ്ങളില്‍ ശത്രുപക്ഷത്തിരിക്കുന്നവരില്‍ തൊപ്പിധരിച്ചവരെയും കാണാം.  ശത്രുക്കളില്‍ നിന്ന് ഹിന്ദുക്കളെ രക്ഷിക്കുക എന്നതാണ് പരിശീലനത്തിന്റെ ഉദ്ദേശ്യം. മെയ് 10നായിരുന്നു പരിശീലനം.  അടുത്ത മാസം അഞ്ചിനും പരിശീനത്തിന്റെ അടുത്ത ഘട്ടം നടത്താന്‍ പദ്ധതിയുണ്ട്. ക്യാംപുകള്‍ നടത്തുന്ന വിവരം ഉത്തര്‍പ്രദേശ് പൊലിസിന് വിവരം ലഭിച്ചിട്ടും നടപടിയൊന്നും സ്വീകരിച്ചില്ല.