മട്ടാഞ്ചേരി: യാത്രാബോട്ടിലേക്ക് കയറുന്നതിനിടെ പത്ത് വയസുകാരി ബോട്ടിനും ജെട്ടിക്കും ഇടയിലൂടെ കായലിലേക്ക് വീണു. വെള്ളിയാഴ്ച വൈകിട്ട് നാലിന് ഫോര്‍ട്ടുകൊച്ചി കസ്റ്റംസ് ജെട്ടിയിലായിരുന്നു സംഭവം. കൊച്ചി സന്ദര്‍ശിക്കാന്‍ മാതാപിതാക്കള്‍ക്കൊപ്പം എത്തിയ പത്ത് വയസുകാരിയാണ് കായലിലേക്ക് വീണത്. കയര്‍ അഴഞ്ഞു ബോട്ട് ജെട്ടിയില്‍ നിന്നും അകന്നതോടെയാണ് കുട്ടി വീണത്. ഇതു കണ്ട യാത്രക്കാര്‍ വെള്ളത്തില്‍ വീണു ഉയര്‍ന്നു വന്ന കുട്ടിയെ പിടിച്ചു കരയിലേക്ക് കയറ്റുകയായിരുന്നു.
കായലിനിടയില്‍ മുരിങ്ങയില്‍ കൊണ്ട് കുട്ടിയുടെ കാല്‍ മുറിഞ്ഞിട്ടുണ്ട്. മുറിവില്‍ പുരട്ടാന്‍ ബോട്ടില്‍ ഫസ്റ്റ് എയ്ഡ് ബോക്‌സില്‍ മരുന്ന് ഉണ്ടായില്ലെന്ന് യാത്രക്കര്‍ പരാതിപ്പെട്ടു. കൊച്ചിന്‍ കാര്‍ണിവല്‍, ബിനാലേ എന്നിവ നടക്കുന്നതിനാല്‍ ആയിരക്കണക്കിന് സ്വദേശ, വിദേശ സഞ്ചാരികളാണ് കൊച്ചി കാണാനെത്തുന്നത്.