കായംകുളം: ജീവിതത്തിലുടനീളം വിനയാന്വിതമായ പ്രവര്‍ത്തന ശൈലിയിലൂടെ മാതൃകയായി മാറിയ പണ്ഡിതനായിരുന്നു ശൈഖുനാ കുമരംപുത്തൂര്‍ എ .പി .മുഹമ്മദ് മുസ്‌ലിയാരെന്ന് സയ്യിദ് ഹദിയത്തുള്ള തങ്ങള്‍ അല്‍-ഐദറൂസി പറഞ്ഞു.
സമസ്ത കേരള ജംഇയ്യത്തുല്‍ മുഅല്ലിമീന്‍ കായംകുളം റെയിഞ്ചിന്റെ ആഭിമുഖ്യത്തില്‍ സംഘടിപ്പിച്ച കുമരംപുത്തുര്‍ ഉസ്താദ് അനുസ്മരണ സമ്മേളനം ഉല്‍ഘാടനം ചെയ്യുകയായിരുന്നു അദ്ദേഹം.റെയിഞ്ച് സെക്രട്ടറി എം ഹാമിദ് മാസ്റ്റര്‍ അദ്ധ്യക്ഷത വഹിച്ചു. മദ്‌റസ മാനേജ്‌മെന്റ് അസോസിയേഷന്‍ പ്രസിഡന്റ് എ.എ.വാഹിദ്, സമസ്ത കോ-ഓര്‍ഡിനേഷന്‍ ചെയര്‍മാന്‍ എം.മഹ്മൂദ് മുസ് ലിയാര്‍, റെയിഞ്ച് ട്രഷറര്‍ കെ.എ. വാഹിദ് മാസ്റ്റര്‍, മുഹമ്മദ് കുഞ്ഞ് ഫൈസി, മുഹമ്മദ് സാലിഹ് ഫൈസി, ഷംസുദ്ദീന്‍ മുസ്ലിയാര്‍, അബ്ദുല്‍ ഗഫൂര്‍ മുസ്ലിയാര്‍, പി.എ.ഖാദര്‍ ,വി.കെ.ബഷീര്‍, സൈദ് മുഹമ്മദ് ദാരിമി അനസ് കണ്ണമ്പള്ളില്‍, തുടങ്ങിയവര്‍ പ്രസംഗിച്ചു.തുടര്‍ന്ന് നടന്ന ദിക്‌റ് ദുആ മജ്‌ലിസിന്ന് ഹദിയത്തുള്ള തങ്ങള്‍ അല്‍-ഐദറൂസി നേതൃത്വം നല്‍കി.