തലയോലപ്പറമ്പ്: വൈക്കം മുഹമ്മദ് ബഷീര്‍ സ്മാരക ഗവണ്‍മെന്റ് വി.എച്ച്.എസ് സ്‌കൂളിലെ നാഷണല്‍ സര്‍വീസ് സ്‌കീം യൂനിറ്റിന്റെ സപ്തദിന ക്യാംപിന്റെ ഭാഗമായി തലയോലപ്പറമ്പ് ഗവണ്‍മെന്റ് യൂ.പി സ്‌കൂളില്‍ ജൈവ പച്ചക്കറി കൃഷിത്തോട്ടം നിര്‍മാണം ആരംഭിച്ചു.
ജില്ലാ പഞ്ചായത്തംഗം കലാ മങ്ങാട്ട് പദ്ധതി ഉദ്ഘാടനം നടത്തി. സ്‌കൂള്‍ പി.ടി.എ പ്രസിഡന്റ് പി.പി കലേശന്‍, പി.ടി.എ മെമ്പര്‍ ഷൈല, അധ്യാപകരായ എന്‍.എസ് ഇന്ദുഷ, ബിന്ദു പി. തോമസ്, വി കണ്ണന്‍, സജിനി സെബാസ്റ്റിയന്‍, എന്‍.എസ്.എസ് പ്രോഗ്രാം ഓഫിസര്‍ പി.വി അനില്‍ എന്നിവര്‍ പ്രവര്‍ത്തനത്തിനു നേതൃത്വം നല്‍കി.
സപ്തദിന ക്യാംപിന്റെ ഭാഗമായി രക്തദാന കര്‍മ സേനാ രൂപീകരണം, തലയോലപ്പറമ്പ് ഗവണ്‍മെന്റ് ആശുപത്രി ശൂചീകരണം, വീടുകളില്‍ അടുക്കളത്തോട്ടം നിര്‍മിച്ച് നല്‍കല്‍ എന്നീ പ്രവര്‍ത്തനങ്ങള്‍ നടത്തി.