ചെറുപുഴ: ചെറുപുഴയില്‍ ബൈക്കും സ്‌കൂട്ടിയും കൂട്ടിയിടിച്ച് സ്‌കൂട്ടി യാത്രിക അടക്കം മൂന്നുപേര്‍ക്ക് പരുക്ക്. സ്‌കൂട്ടിയില്‍ യാത്ര ചെയ്തിരുന്ന കൊല്ലാട സ്വദേശിനി സുനിതാ രാജേഷ്, തവളക്കുണ്ട് സ്വദേശിനി പുഷ്പ ഗിരീഷ്, ബൈക്ക് യാത്രികന്‍ മച്ചി സ്വദേശി അനന്ദു ദാമോദരന്‍ എന്നിവര്‍ക്കാണ് പരുക്കേറ്റത്. ഇന്നലെ ഒന്‍പതരയോടെയാണ് സംഭവം. പുഷ്പയും സുനിതയും ജോലിചെയ്യുന്ന സ്ഥാപനത്തിലേക്ക് തിരിയവേ എതിരെ അമിതവേഗതയില്‍ വന്ന അനന്തുവിന്റെ മോട്ടോര്‍ ബൈക്ക് ഇടിക്കുകയായിരുന്നു.
മൂവരെയും ചെറുപുഴയിലെ സ്വകാര്യ ആശുപത്രിയില്‍ പ്രവേശിപ്പിക്കുകയും ഗുരതരമായി പരുക്കേറ്റ പുഷ്പയെ പയ്യന്നൂരിലെ സ്വകാര്യ ആശുപത്രിയിലും അനന്തുവിനെ കണ്ണൂരിലെ സ്വകാര്യ ആശുപത്രിയിലും പ്രവേശിപ്പിച്ചു. ചെറുപുഴ പൊലിസ് കേസെടുത്തു.