പാലക്കാട്: ആദിവാസി കുട്ടികളുടെ സംസ്ഥാന സര്‍ഗോത്സവ വേദിയായ വിക്‌ടോറിയ കോളജില്‍ അരങ്ങുമുതല്‍ അടുക്കളവരെ 151 കുട്ടി സഹായികള്‍. അഞ്ചുവേദികളിലായി നടക്കുന്ന പരിപാടികള്‍ നിയന്ത്രിക്കുന്നതും, ഭക്ഷണവിതരണവും അണിയറയിലെ കുടിവെള്ളവിതരണവും ഇവര്‍തന്നെയാണ് നടത്തുന്നത്. എന്‍.സി.സി, എന്‍.എസ്.എസ് വളണ്ടിയര്‍മാരും കുട്ടി പൊലിസുകാരും പ്രൊമോട്ടര്‍മാരും ഉള്‍പടെയാണ് വിവിധ കമ്മിറ്റികളുടെ പ്രവര്‍ത്തനത്തിന് സഹായികളായിട്ടുള്ളത്. 24 മണിക്കൂറും സുരക്ഷയൊരുക്കി പതിനഞ്ചോളം താത്കാലിക ജീവനക്കാരായ എസ്.സി പ്രമോട്ടര്‍മാരുടെ സേവനം എടുത്തുപറയേണ്ടതാണ്.