നെടുമങ്ങാട്: വാഹനം ഇടിച്ചു പരുക്കേറ്റ് , പരാക്രമം നടത്തിയ കാട്ടു പന്നിയെ വനംവകുപ്പ് അധികൃതര്‍ കീഴ്‌പ്പെടുത്തി കൊണ്ടുപോയി. നെടുമങ്ങാട് താന്നിമൂട് ഷസ്‌കന്‍സ് മന്‍സിലില്‍ കബീറിന്റെ തോട്ടത്തിലാണ് കാട്ടുപന്നി പരാക്രമം നടത്തിയത്.
താന്നിമൂട് തയ്ക്കാവിനു സമീപം വ്യാഴാഴ്ച അര്‍ധരാത്രിയാണ് പന്നിയെ വാഹനം ഇടിച്ചത്.ഇടിയുടെ ആഘാതത്തില്‍ പിന്‍കാലില്‍ ഒന്ന് ഒടിഞ്ഞു.കുറേ നേരം റോഡുവക്കില്‍ കിടന്ന പന്നി ഇഴഞ്ഞ് തോട്ടത്തിലേക്ക് ഇറങ്ങുകയായിരുന്നു. തോട്ടത്തിലെ ചാലും വിളകളും കുത്തിമറിച്ച് പരാക്രമം നടത്തിയ പന്നിയെ വനം വകുപ്പ് ജീവനക്കാരനും പാമ്പ് പിടിത്തക്കാരനുമായ സനല്‍രാജും സംഘവുമാണ് കീഴ്‌പ്പെടുത്തിയത്.