കോട്ടയം: ജനറല്‍ ആശുപത്രി പുതിയതായി സ്ഥാപിച്ച സി.റ്റി സ്‌കാന്‍ യന്ത്രത്തിന്റെ പ്രവര്‍ത്തന ഉദ്ഘാടനം മന്ത്രി കെ.കെ ഷൈലജ ഇന്ന് വൈകിട്ട് അഞ്ച് മണിക്ക് നിര്‍വഹിക്കും. ആശുപത്രി അങ്കണത്തില്‍ നടക്കുന്ന ചടങ്ങില്‍ തിരുവഞ്ചൂര്‍ രാധാകൃഷ്ണന്‍ എം.എല്‍.എ അധ്യക്ഷത വഹിക്കും.
ജോസ് കെ. മാണി എം.പി മുഖ്യപ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ്, ജില്ലാ കലക്ടര്‍ സി. എ. ലത, നഗരസഭാ ആരോഗ്യ ക്ഷേമകാര്യ സ്ഥിരംസമിതി അധ്യക്ഷ ഷീബ പുന്നന്‍, മുന്‍ എം.എല്‍.എ വി.എന്‍ വാസവന്‍, വാര്‍ഡ് കൗണ്‍സിലര്‍ സാബു പുളിമൂട്ടില്‍, വി.ബി ബിനു, എന്‍. ഹരി, ആര്‍.എം.ഒ ഭാഗ്യശ്രീ, സ്റ്റാഫ് സെക്രട്ടറി ജെസി ആന്റണി, ആശുപത്രി വികസന സമിതി അംഗങ്ങള്‍ തുടങ്ങിയവര്‍ പങ്കെടുക്കും.
ജില്ലാ മെഡിക്കല്‍ ഓഫീസര്‍ ഡോ. ജേക്കബ് വര്‍ഗീസ് റിപ്പോര്‍ട്ട് അവതരിപ്പിക്കും. കോട്ടയം നഗരസഭ അദ്ധ്യക്ഷ ഡോ. പി.ആര്‍. സോന സ്വാഗതവും ജനറല്‍ ആശുപത്രി സൂപ്രണ്ട് ഡോ. ആര്‍. ബിന്ദു കുമാരി നന്ദിയും പറയും. മരുന്നുകളുടെ സ്റ്റോക്ക് ഓണ്‍ ലൈനായി അറിയുന്നതിനുളള സംവിധാനം, കംപ്യൂട്ടര്‍ വത്ക്കരിച്ച് ഒ.പി കൗണ്ടര്‍ എന്നിവയുടെ ഉദ്ഘാടനവും മന്ത്രി നിര്‍വഹിക്കും. കറന്‍സി രഹിത വിനിമയം നടപ്പാക്കുന്നതിനായി ഒരുക്കിയിട്ടുളള പി.ഒ.എസ് സംവിധാനത്തിന്റെ ഉദ്ഘാടനവും ചടങ്ങില്‍ നടക്കും.