രാജാക്കാട്: കാര്‍ഷിക മേഖലയുടെ ഉത്തരവാദിത്വം എന്തെങ്കിലും ഉല്‍പാദിപ്പിച്ച് ലാഭമുണ്ടാക്കുകയെന്നത് മാത്രമല്ലെന്ന് കൃഷിവകുപ്പ് മന്ത്രി വി.എസ് സുനില്‍കുമാര്‍ പറഞ്ഞു. ശാന്തമ്പാറ കൃഷി വിജ്ഞാന കേന്ദ്രത്തില്‍ പുതിയതായി ആരംഭിച്ച ബയോടെക് ലാബിന്റെ ഉദ്ഘാടനം നിര്‍വഹിച്ച് സംസാരിക്കുകയയായിരുന്നു അദ്ദേഹം.
സര്‍ക്കാരിന്റേത് ജൈവ കാര്‍ഷിക നയമാണ്. ജൈവ കാര്‍ഷിക രംഗത്തെ മുന്നേറ്റത്തിനായി കാര്‍ഷിക - ഗവേഷണ സ്ഥാപനങ്ങളുടെ പ്രവര്‍ത്തനങ്ങള്‍ കാര്യക്ഷമമാക്കുന്നതിന് വേണ്ടിയുള്ള പ്രവര്‍ത്തനം സര്‍ക്കാര്‍ തലത്തില്‍ നടപ്പിലാക്കി വരുന്നുണ്ടെന്നും മന്ത്രി പറഞ്ഞു.
കെ.വി.കെ ഹാളില്‍ ചേര്‍ന്ന പൊതുസമ്മേളനത്തില്‍ ശാന്തമ്പാറ ഗ്രാമ പഞ്ചായത്ത് വൈസ് പ്രസിഡന്റ് പി . റ്റി മുരുകന്‍ അധ്യക്ഷത വഹിച്ചു. കെ.വി കെ സൂപ്രണ്ട് ഷാജി കെ.കക്കാട്ട് സ്വാഗതം ആശംസിച്ചു. പ്രോഗ്രാം കോഡിനേറ്റര്‍ ഡോ. ബിനുജോണ്‍ സാം, ജില്ലാ ക്രിഷി ഓഫീസര്‍ പി.ജി ഉഷാകുമാരി, സതി കുഞ്ഞുമോന്‍, വാഴൂര്‍ സോമന്‍, സി.യു ജോയി, ടി .ജെ ഷൈന്‍, കെ.പി അനില്‍, പ്രിന്‍സ്