തിരുവനന്തപുരം: അണ്ടര്‍ 14 സൗത്ത് സോണ്‍ ട്രോഫി ക്രിക്കറ്റ് ചാംപ്യന്‍ഷിപ്പിനുള്ള കേരള ടീമിനെ പ്രഖ്യാപിച്ചു. രോഹന്‍ നായരാണ് ടീമിനെ നയിക്കുക. ഈ മാസം നാലു മുതല്‍ 17 വരെ ഗോവയിലാണ് മത്സരങ്ങള്‍. നാലിനു എം.സി.സി മഡ്ഗാവില്‍ നടക്കുന്ന ആദ്യ മത്സരത്തില്‍ കേരളം ആന്ധ്രാപ്രദേശിനെ നേരിടും. ഏഴിനു സാംഗയില്‍ നടക്കുന്ന മത്സരത്തില്‍ കര്‍ണാടകയേയും 10നു ഹൈദരാബാദിനേയും, 13നു ഗോവയേയും, 16നു തമിഴ്‌നാടുമായുമാണു കേരളത്തിന്റെ മറ്റു പോരാട്ടങ്ങള്‍.
ടീം: രോഹന്‍ നായര്‍ (ക്യാപ്റ്റന്‍), വരുണ്‍ നായനാര്‍ (വൈസ് ക്യാപ്റ്റന്‍), ഒമര്‍ അബൂബക്കര്‍, റിയ ബഷീര്‍, സാഗര്‍ ബിനു, അബി ബിജു, സജീഷ്, വിനായക് വിജയന്‍, കാര്‍ത്തിക് നായര്‍, ഷൈന്‍ ജോണ്‍ ജേക്കബ്, ഗൗതം മോഹന്‍, ബിരാജ് ടിറ്റോ, അനുരാജ്, റഹാന്‍ റഹീം, അഭിഷേക് നായര്‍, കൃഷ്ണ നാരായണ്‍. കോച്ച്: ബിജു ജോര്‍ജ്. മാനേജര്‍: ജഗദീഷ് ത്രിവേദി.