കൊച്ചി: നോട്ടുപിന്‍വലിച്ച് 50 ദിവസം പിന്നിടുമ്പോഴും ജനങ്ങളുടെ ദുരിതമകറ്റാനോ സാമ്പത്തിക സ്ഥിതി മെച്ചപ്പെടുത്താനോ കഴിയാത്തതിനാല്‍ ജനുവരി രണ്ടിന് പ്രധാനമന്ത്രിയെ ജനകീയ വിചാരണചെയ്യുമെന്ന് ആം ആദ്മി പാര്‍ട്ടി ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. സംസ്ഥാനത്ത് 14 ജില്ലകളിലും ഇന്ത്യയിലെ മറ്റ് സംസ്ഥാനങ്ങളിലും അന്നേ ദിവസം ജനകീയ വിചാരണ നടക്കുമെന്ന് ആം ആദ്മി പാര്‍ട്ടി സംസ്ഥാന കണ്‍വീനര്‍ സി.ആര്‍ നീലകണ്ഠന്‍ പറഞ്ഞു.
നോട്ട് നിരോധനത്തിന്റെ പ്രഖ്യാപിത ലക്ഷ്യമായി ഉയര്‍ത്തിക്കാട്ടിയിരുന്നത് കള്ളപ്പണം ഇല്ലാതാക്കുന്നു എന്നതാണ്. എന്നാല്‍ ഇപ്പോള്‍ കാഷ്‌ലെസ് ഇക്കോണമി എന്ന ലക്ഷ്യത്തിലേക്ക് അതിനെ വഴിതിരിച്ചുവിട്ടെന്നും ആംആദ്മി ആരോപിച്ചു. സംസ്ഥാന സെക്രട്ടറി അരുണ്‍ ജോസഫ്, ജില്ലാ കണ്‍വീനര്‍ ഷക്കീര്‍ അലി എന്നിവരും വാര്‍ത്താസമ്മേളനത്തില്‍ പങ്കെടുത്തു