തിരുവനന്തപുരം:  പ്രധാനമന്ത്രിയുടേത്  പൊള്ളയായ പ്രഖ്യാപനങ്ങളെന്ന് പ്രതിപക്ഷനേതാവ് രമേശ് ചെന്നിത്തല. മല എലിയെ പ്രസവിച്ചത് പോലെയാണ് പ്രഖ്യാപനങ്ങള്‍. പ്രതീക്ഷയോടെ കാത്തിരുന്ന ജനങ്ങളെ മുഴുവന്‍ നിരാശരാക്കി കണ്ണില്‍ പൊടിയിടാനുള്ള പ്രഖ്യാപനങ്ങള്‍ മാത്രമാണ് പ്രധാനമന്ത്രി നടത്തിയത്.  അമ്പത് ദിവസം കൊണ്ട് നോട്ടു പ്രതിസന്ധി പരിഹരിക്കുമെന്ന് പറഞ്ഞ പ്രധാനമന്ത്രി  ജനങ്ങള്‍ പൊറുതി മുട്ടുമ്പോള്‍ ഇതിന് പരിഹാര മാര്‍ഗം നിര്‍ദേശിക്കാതെയാണ് പുതിയ പ്രഖ്യാപനങ്ങള്‍ നടത്തിയിരിക്കുന്നത്. ഇത് പ്രധാനമന്ത്രിയോടുള്ള വിശ്വാസ്യത പൂര്‍ണ്ണമായും നഷ്ടപ്പെടുത്തിയെന്നും  ചെന്നിത്തല ആരോപിച്ചു.