കോട്ടയം: സമകാലിക സംഭവങ്ങളോട് പ്രതികരിക്കുക എന്നത് സമൂഹത്തിന്റെ സ്പന്ദനമറിയുന്ന എഴുത്തുകാരന്റെ ബാധ്യതയാണെന്ന്് പ്രശസ്ത നിരൂപകന്‍ പ്രൊഫ. എം.കെ. സാനു. എം.ടിയുടെ നിര്‍മാല്യം എന്ന സിനിമയും അതിലെ രംഗങ്ങളും അക്കാലത്ത് ജനങ്ങള്‍ എങ്ങനെ സ്വീകരിച്ചു എന്ന് നാം അറിയേണ്ടതുണ്ട്. സമൂഹത്തിലെ വിഷം സ്വീകരിച്ച് അമൃത് പുറപ്പെടുവിക്കുന്നവനാണ് എഴുത്തുകാരനെന്നും അദ്ദേഹം പറഞ്ഞു. സാഹിത്യപ്രവര്‍ത്തക സഹകരണ സംഘം കോട്ടയത്ത് സംഘടിപ്പിച്ച  പൊന്‍കുന്നം വര്‍ക്കി  നവതി ആഘോഷച്ചടങ്ങില്‍  മന്ത്രി കടകംപള്ളി സുരേന്ദ്രനില്‍ നിന്ന് ആദരം ഏറ്റുവാങ്ങിയതിനു ശേഷം മറുപടി പ്രസംഗം നടത്തുകയായിരുന്നു എം.കെ സാനു.