ദോഹ: ലുലു ഗ്രൂപ്പിന്റെ ഖത്തറിലെ ഏഴാമത് ഹൈപ്പര്‍ മാര്‍ക്കറ്റ് അല്‍മെസ്സീലയില്‍ പ്രവര്‍ത്തനം തുടങ്ങി. 

ഖത്തര്‍ ചേംബര്‍ ഓഫ് കൊമേഴ്‌സ് ആന്റ് ഇന്‍ഡസ്ട്രി ചെയര്‍മാന്‍ ശൈഖ് ഖലീഫ ബിന്‍ ജാസിം ബിന്‍ മുഹമ്മദ് ആല്‍ഥാനി ഉദ്ഘാടനം നിര്‍വഹിച്ചു. ശെയ്ഖ് ഖാലിദ് ബിന്‍ ഹസന്‍ ആല്‍ഥാനി, സാലെ ഖലഫ് അല്‍മന്നായി, ഹുസയ്ന്‍ അല്‍ഫര്‍ദാന്‍, അലി ഹുസയ്ന്‍ അല്‍ഫര്‍ദാന്‍, അഷ്‌റഫ് അബു ഈസ, നബീല്‍ അബു ഈസ, ഗാനിം അല്‍ഖുബയ്‌സി, ദോഹ ബാങ്ക് സി.ഇ.ഒ ഡോ. ആര്‍ സീതാരാമന്‍, ലുലു ഗ്രൂപ്പ് ചെയര്‍മാന്‍ എം.എ യൂസഫലി, സി.ഇ.ഒ സെയ്ഫി രൂപ്‌വാല, ഡയറക്ടര്‍ മുഹമ്മദ് അല്‍താഫ് പങ്കെടുത്തു. ലുലു ഗ്രൂപ്പിലെ 132ാമത്തെ ശാഖയാണിത്.