ദോഹ: സമൂഹം ഇന്ന് നേരിടുന്ന ധാര്‍മിക അപചയങ്ങള്‍ക്ക് പരിഹാരം പ്രവാചക ചര്യയിലേക്ക് മടങ്ങലാണെന്ന് പാണക്കാട് ബഷീറലി ശിഹാബ് തങ്ങള്‍. ഖത്തര്‍ നാഷനല്‍ എസ്.കെ.എസ്.എസ്.എഫ് മദീന പാഷന്‍ ത്രൈമാസ കാംപയിന്റെ ഭാഗമായി സംഘടിപ്പിച്ച ലീഡേഴ്‌സ് കാരവന്‍ ഉദ്ഘാടനം നിര്‍വഹിക്കുകയായിരുന്നു അദ്ദേഹം.
വ്യക്തി ജീവിതത്തിലെ എല്ലാമേഖലകളിലും പ്രവാചക മാതൃകയുണ്ടെന്നും അദ്ദേഹം ഓര്‍മിപ്പിച്ചു. ഇബാദ് കേരള ഡയറക്ടര്‍ ഡോ. സാലിം ഫൈസി കൊളത്തൂര്‍ മുഖ്യപ്രഭാഷണം നടത്തി. അഡ്വ: എന്‍.ശംസുദ്ധീന്‍ എം.എല്‍.എ മുഖ്യാഥിതിയായിരുന്നു.
അബൂബക്കര്‍ ഹുദവി ചെമ്മാട് അധ്യക്ഷത വഹിച്ചു. ബഹ്‌റൈന്‍ സമസ്ത പ്രസിഡന്റ് സയ്യിദ് ഫഖ്‌റുദ്ദീന്‍ തങ്ങള്‍, ഖത്തര്‍ കേരള ഇസ്‌ലാമിക് സെന്റര്‍ പ്രസിഡന്റ് എ.വി അബൂബക്കര്‍ ഖാസിമി, സുബൈര്‍ ഫൈസി കട്ടുപ്പാറ,ഫൈസല്‍ നിയാസ് ഹുദവി കൊല്ലം ,ഹുസൈന്‍ റഹ്മാനി, സൈനുദ്ധീന്‍ നിസാമി കാന്തപുരം, അസീസ് കോളയാട്, നൗഷാദ് കൈപ്പമംഗലം തുടങ്ങിയവര്‍ സംസാരിച്ചു.