മലപ്പുറം: കേരളാ ഫുട്‌ബോള്‍ അസോസിയേഷന്‍ നടത്തുന്ന ജില്ലാതല ഗ്രാസ്‌റൂട്ട് അണ്ടര്‍ 12 ഫുട്‌ബോള്‍ ചാംപ്യന്‍ഷിപ്പില്‍ ജില്ലയില്‍ എം.എസ്.പി ജേതാക്കളായി. ആറു കളികളില്‍നിന്ന് അഞ്ചു ജയവും ഒരു സമനിലയുമടക്കം 16 പോയിന്റ് നേടിയാണ് എം.എസ്.പി സംസ്ഥാന ചാംപ്യന്‍ഷിപ്പിലേക്ക് യോഗ്യത നേടിയത്.
കേരളാ ബ്ലാസ്റ്റേഴ്‌സ് എഫ്.സിയുടെ പ്രോഗ്ജി, തിരൂര്‍ സാറ്റ്, ബ്ലാസ്‌റ്റേഴ്‌സ് കാഞ്ഞിരമുക്ക് എന്നീ ടീമുകളെ മറികടന്നാണ് മലപ്പുറം എം.എസ്.പി ചാംപ്യന്‍മാരായത്. സംസ്ഥാനത്തെ മുഴുവന്‍ ജില്ലകളിലും സമാന ടൂര്‍ണമെന്റുകള്‍ നടക്കുന്നുണ്ട്.
ജില്ലാതല ചാംപ്യന്മാരെ പങ്കെടുപ്പിച്ചു സംസ്ഥാന ചാമ്പ്യന്‍ഷിപ്പും നടക്കും. ഹോം, എവേ മത്സരങ്ങളായിട്ടായിരുന്നു കളികള്‍.