സോള്‍: ദീര്‍ഘദൂര ഭൂഖണ്ഡാന്തര ബാലസ്റ്റിക് മിസൈല്‍ പരീക്ഷണം അവസാനഘട്ടത്തിലാണെന്ന് ഉത്തര കൊറിയന്‍ പ്രസിഡന്റ് കിം ജോങ് ഉന്‍. 2016 ല്‍ രാജ്യം ആണവശക്തിയായി കുതിച്ചുയര്‍ന്നുവെന്നും രാജ്യത്തിന് നല്‍കിയ പുതുവത്സര സന്ദേശത്തില്‍ അദ്ദേഹം പറഞ്ഞു.

രണ്ട് ആണവപരീക്ഷണങ്ങളും നിരവധി മിസൈല്‍ വിക്ഷേപണങ്ങളുമാണ് ഉത്തരകൊറിയ നടത്തിയത്. ശത്രുരാജ്യമായ ദക്ഷിണകൊറിയക്കൊപ്പം ചേര്‍ന്ന് അമേരിക്ക നടത്തുന്ന സൈനിക നീക്കങ്ങള്‍ അവസാനിപ്പിച്ചില്ലെങ്കില്‍ സൈനിക ശേഷി വര്‍ധിപ്പിക്കുമെന്നും കിം മുന്നറിയിപ്പ് നല്‍കി.

ഐക്യരാഷ്ട്ര സഭയുടെയും അമേരിക്കയുടെയും കടുത്ത ഉപരോധങ്ങള്‍ നിലനില്‍ക്കെയാണ് ഉത്തരകൊറിയ ആണവ പരീക്ഷണങ്ങള്‍ നടത്തുന്നത്്. എന്നാല്‍ കഴിഞ്ഞ വര്‍ഷം തന്നെ ഉത്തരകൊറിയ ഈ സാങ്കേതിക വിദ്യ കൈവരിച്ചിരുന്നുവെന്നാണ് വിദ്ഗ്ധരുടെ വിലയിരുത്തല്‍.