തിരുവനന്തപുരം: നോട്ട് നിരോധനം അമ്പത് ദിവസം പിന്നിട്ടപ്പോള്‍ പ്രധാനമന്ത്രി നരേന്ദ്രമോദി നടത്തിയ പ്രസംഗം ജനത്തെ നിരാശയിലാക്കിയതായി മുന്‍മുഖ്യമന്ത്രി ഉമ്മന്‍ചാണ്ടി.

നോട്ട് നിരോധനം ജനങ്ങളുടെ ദുരിതം ഇപ്പോഴും തുടരുന്നുവെന്നും ഏവരും പ്രതീക്ഷയോടെ കാത്തിരുന്ന പ്രസംഗത്തില്‍ നോട്ട് നിരോധനം സംബന്ധിച്ച് ഒരുവാക്ക് പോലും അദ്ദേഹം മിണ്ടിയില്ല.

നോട്ട് നിരോധനത്തെ തുടര്‍ന്ന് പ്രധാനമന്ത്രിയുടെ നിയന്ത്രണത്തിന് അപ്പുറത്തേക്ക് കാര്യങ്ങള്‍ പോയി. അദ്ദേഹത്തിന്റെ ഉദ്ദേശലക്ഷ്യങ്ങള്‍ പ്രതീക്ഷയുടെ അടുത്തുപോലും എത്തിയില്ല.

നോട്ട് നിരോധനംകൊണ്ട് എന്തുപ്രയോജനം ഉണ്ടായെന്നും പ്രസംഗത്തില്‍ പറഞ്ഞില്ല. ജനാധിപത്യ രീതിയില്‍ ആയിരുന്നെങ്കില്‍ മുഖ്യമന്ത്രിമാരുടെ യോഗം വിളിക്കണമായിരുന്നെന്നും ഉമ്മന്‍ചാണ്ടി പറഞ്ഞു