കൊച്ചി: ബി.എസ്.എന്‍.എല്‍ പ്രഖ്യാപിച്ച ഓഫറുകള്‍ പ്രാബല്യത്തില്‍ വന്നു.146 രൂപയ്ക്കും 339 രൂപയ്ക്കും റീചാര്‍ജ് ചെയ്യുമ്പോള്‍ പരിധിയില്ലാതെ എത്രസമയവും വിളിക്കാവുന്നതുള്‍പ്പെടെയുള്ള ഓഫറുകളാണ് നിലവില്‍ വന്നത്.
146 രൂപയ്ക്ക് റീചാര്‍ജ് ചെയ്യുമ്പോള്‍ 28 ദിവസവും രാജ്യത്തെവിടെയുമുള്ള ബി.എസ്.എന്‍.എല്‍ നമ്പറുകളിലേക്ക് എത്രനേരവും വിളിക്കാന്‍ സാധിക്കും. കൂടാതെ 300 എം.ബി ഡാറ്റയും ലഭിക്കും.339 രൂപയ്ക്ക് റീചാര്‍ജ് ചെയ്യുമ്പോള്‍ രാജ്യത്തെവിടെയുമുള്ള ഏത് നമ്പറിലേക്കും എത്രനേരവും വിളിക്കാന്‍ കഴിയും.മറ്റ് ടെലിഫോണ്‍ കമ്പനികളുടെ നമ്പറിലേക്ക് വിളിക്കാമെന്നതാണ് ഈ ഓഫറിന്റെ പ്രത്യേകത.പുതിയ പാക്കേജുകളില്‍ കോളുകള്‍ തികച്ചും സൗജന്യമായിരിക്കും.
പ്രീപെയ്ഡ് ഉപഭോക്താക്കള്‍ക്കും പോസ്റ്റ് പെയ്ഡ് ഉപഭോക്താക്കള്‍ക്കും ഇത് ലഭ്യമായിരിക്കുമെന്ന് ബി.എസ്.എന്‍.എല്‍ ചെയര്‍മാന്‍ പറഞ്ഞു. 4400രൂപയ്ക്ക് വൈഫൈ ഹോട്ട് സ്‌പോട്ടുകള്‍ ബി.എസ്.എല്‍ ഉടന്‍ പുറത്തിറക്കും.