കൊച്ചി: എറണാകുളം വരാപ്പുഴയില്‍ വാഹനാപകടത്തില്‍ നാലു പേര്‍ മരിച്ചു. ഇന്ന് പുലര്‍ച്ചെ രണ്ടു മണിയോടെ വാരാപ്പുഴ പാലത്തിനു സമീപമായിരുന്നു അപകടം.

ഹരിശങ്കര്‍,കിരണ്‍,അക്ഷയ്,ജിജിഷ എന്നിവരാണ് മരിച്ചത്. നിയന്ത്രണംവിട്ട ബസ് എതിരേ വന്ന കാറിലും ബൈക്കിലും ഇടിച്ചാണ് അപകടം. മരിച്ചവരില്‍ കോഴിക്കോട് സ്വദേശി അക്ഷയ് മലപ്പുറം സ്വദേശി ജിജിഷ എന്നിവര്‍ കുസാറ്റ് എന്‍ജിനിയറിങ് കോളജിലെ വിദ്യാര്‍ഥികളാണ്.ഇവര്‍ കാറില്‍ സഞ്ചരിക്കുകയായിരുന്നു.

കാറിലുണ്ടായിരുന്ന മറ്റു രണ്ടു വിദ്യാര്‍ഥികളെ ഗുരുതരാവസ്ഥയില്‍ കൊച്ചിയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. മരിച്ച ഹരിശങ്കറും കിരണും കൊച്ചി ഇന്‍ഫോപാര്‍ക്കിലെ ജീവനക്കാരാണ്. ലോറി ഡ്രൈവര്‍ ഉറങ്ങിപ്പോയതാണ് അപകടത്തിന് കാരണമെന്നാണ് പ്രാഥമിക നിഗമനം.