പോസ്റ്റ് മുറിഞ്ഞുഫറോക്ക്: ദേശീയപാതയില്‍ രാമനാട്ടുകരക്കു സമീപം വൈദ്യരങ്ങാടിയില്‍ കാറിടിച്ച് വൈദ്യുതി പോസ്റ്റ് മുറിഞ്ഞു. കഴിഞ്ഞ ദിവസം രാവിലെ അഞ്ചരയോടെയാണ് അപകടം.
രാമനാട്ടുകര ഭാഗത്തുനിന്നും എയര്‍പോര്‍ട്ട് ഭാഗത്തേക്ക് പോവുകയായിരുന്ന കാര്‍ നിയന്ത്രണംവിട്ട് പോസ്റ്റില്‍ ഇടിക്കുകയായിരുന്നു.
ആര്‍ക്കും പരുക്കില്ല. കെ.എസ്.ഇ.ബി. ജീവനക്കാര്‍ ഉടന്‍ സ്ഥലത്തെത്തി വൈദ്യുതി ബന്ധം വിച്ഛേദിച്ചത് അപകടം ഒഴിവാക്കി.
രണ്ടാഴ്ച മുന്‍പ് ലോറിയിടിച്ചു തകര്‍ന്നതിനെ തുടര്‍ന്നു മാറ്റിയ പോസ്റ്റിലാണ് ഇന്നലെ കാറിടിച്ചത്.