കോഴിക്കോട്: ഫുട്‌ബോള്‍ പ്ലെയേഴ്‌സ് അസോസിയേഷന്‍ കിണാശ്ശേരി ഹൈസ്‌കൂള്‍ ഗ്രൗണ്ടില്‍ സംഘടിപ്പിച്ച ടി.വി മമ്മദ്‌കോയ ട്രോഫിക്കു വേണ്ടിയുള്ള 13-ാമത് ജില്ലാ വെറ്ററന്‍സ് ലീഗ് ചാംപ്യന്‍ഷിപ്പില്‍ ഇന്നലെ സ്‌പെയ്‌സ് ഫൗണ്ടേഷനും കെ.ആര്‍.എസും തമ്മില്‍ നടന്ന ആദ്യമത്സരം ഗോള്‍രഹിത സമനിലയില്‍ കലാശിച്ചു. രണ്ടാമത്തെ മത്സരത്തില്‍ വി.എന്‍.എം ഗോള്‍ഡ് എതിരില്ലാത്ത നാലു ഗോളിന് ഹോട്ടല്‍ സീക്യൂനെ പരാജയപ്പെടുത്തി. ഹാരിഷ് രണ്ടും റിയാസും ഉദയകുമാറും ഓരോ ഗോളും സ്‌കോര്‍ ചെയ്തു. ഇന്നു നടക്കുന്ന മത്സരത്തില്‍ മലബാര്‍ എഫ്.എ ന്യൂസോക്കര്‍, റിയാസ് ജ്വല്ലറിയെയും പെലോടണ്‍ ബ്രീസിനെയും നേരിടും.