കോഴിക്കോട്: എസ്.എം.എഫ് ജില്ലാ കമ്മിറ്റിയുടെ കീഴില്‍ ഉള്ള്യേരിയില്‍ പ്രവര്‍ത്തനമാരംഭിച്ച അലിഫ് ട്രെയ്‌നിങ് ആന്‍ഡ് കൗണ്‍സലിങ് സെന്ററിന്റെ ആദ്യസംരംഭമായ ഈസി എക്‌സാം പ്രോഗ്രാം സമന്വയ ഓഡിറ്റോറിയത്തില്‍ പി.കെ.ഐ മുഹ്‌യുദ്ദീന്‍ അബൂദബി ഉദ്ഘാടനം ചെയ്തു. ഷാനവാസ് കുറുമ്പൊയില്‍ അധ്യക്ഷനായി. ഉള്ള്യേരി പഞ്ചായത്ത് പ്രസിഡന്റ് ഷൈജു ചെറുകാവില്‍ മുഖ്യാതിഥിയായിരുന്നു.
ഉള്ള്യേരി മഹല്ല് ഖത്വീബ് സെയ്ദ് മുഹമ്മദ് ഫൈസി പ്രാര്‍ഥന നടത്തി. ഹക്കീം മാസ്റ്റര്‍ മാടക്കല്‍, മനാഫ് അടിവാരം ക്ലാസിന് നേതൃത്വം നല്‍കി. കോയ മുസ്‌ലിയാര്‍, കെ.എം ഹമീദ്, കെ.കെ അബു സംസാരിച്ചു. അബുബക്കര്‍ മാസ്റ്റര്‍ കിനാലൂര്‍ സ്വാഗതവും റിയാസ് തളീക്കര നന്ദിയും പറഞ്ഞു. ജനുവരി രണ്ടാം വാരത്തില്‍ ഈസി എക്‌സാം രണ്ടാംഘട്ട പ്രോഗ്രാം നടക്കും. ഫോണ്‍: 98478 57654, 99473 94104.