ഇസ്താംബൂള്‍: തുര്‍ക്കിയിലെ ഇസ്താംബൂളില്‍ നിശാ ക്ലബ്ബില്‍ 39 പേരുടെ മരണത്തിനിടയാക്കിയ വെടിവെപ്പിന് പിന്നിലെ അക്രമിക്കായുള്ള തെരച്ചില്‍ ഊര്‍ജ്ജിതമാക്കി.പ്രതിയെന്ന് സംശയിക്കുന്ന ആളുടെ ചിത്രവും അക്രമി വെടിയുതിര്‍ക്കുന്നതിന്റെ സിസിടിവി ദൃശ്യങ്ങളും പൊലിസ് പുറത്തുവിട്ടു.

ഇസ്താംബൂളിലെ ബെസിക്കേറ്റിയസ് നഗരത്തിലെ റൈന നിശാക്ലബ്ബിലായിരുന്നു ആക്രമണം. സാന്താക്ലോസിന്റെ വേഷത്തിലെത്തിയ ആക്രമി ക്ലബ്ബില്‍ തടിച്ചുകൂടിയ ആള്‍കൂട്ടത്തിനു നേരെ വെടിയുതിര്‍ക്കുകയായിരുന്നു. ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.

കൊല്ലപ്പെട്ട 16 പേരില്‍ രണ്ട് പേര്‍ ഇന്ത്യാക്കാരാണ്. പരുക്കേറ്റ എഴുപത് പേരില്‍ മൂന്ന് പേരുടെ നില അതീവഗുരുതരമാണ്.