കോറോം: കോണ്‍ഗ്രസ് വിട്ട് സി.പി.എമ്മില്‍ ചേര്‍ന്നവര്‍ക്ക് മര്‍ദനമേറ്റതായി പരാതി. ഇതേ തുടര്‍ന്ന് മൂന്നുപേരെ ജില്ലാ ആശുപത്രിയില്‍ പ്രവേശിപ്പിച്ചു. തൊണ്ടര്‍നാട് ഇണ്ടിയേരിക്കുന്ന് സ്വദേശികളായ ചാത്തോളി നിഥിന്‍(26), ചാത്തോളി നിഖില്‍ (20), കൊച്ചു വെമ്പള്ളിയില്‍ ജിനേഷ്(30) എന്നിവര്‍ക്കാണു മര്‍ദനമേറ്റത്.
ഇവര്‍ നല്‍കിയ പരാതിയുടെ അടിസ്ഥാനത്തില്‍ തൊണ്ടര്‍നാട് ഇണ്ടിയേരിക്കുന്നിലെ മൂന്നുപേര്‍ക്കെതിരേ പൊലിസ് കേസെടുത്തു. കഴിഞ്ഞ ദിവസം അര്‍ധരാത്രി ഇണ്ടിയേരിക്കുന്ന് നടന്ന പുതുവത്സരാഘോഷങ്ങള്‍ക്കിടെയാണ് ഇവര്‍ക്കു മര്‍ദനമേറ്റത്.
കോണ്‍ഗ്രസ് പ്രവര്‍ത്തകരായിരുന്ന നിഥിനും നിഖിലും ജിനീഷും പാര്‍ട്ടി വിട്ട് സി.പി.എമ്മിലേക്കു മാറിയതിന്റെ പകതീര്‍ക്കാനാണു മര്‍ദനമെന്ന് പരാതിയില്‍ പറയുന്നു.