കൂളിവയല്‍: എസ്.കെ.എസ്.എസ്.എഫ് ജില്ലാ കമ്മിറ്റി സംഘടിപ്പിക്കുന്ന മനുഷ്യജാലിക, മദീനപാഷന്‍ എന്നിവക്ക് മുന്നോടിയായി ത്വലബാ വിങ് ജില്ലാ കമ്മിറ്റി ത്വലബാ ലീഡേഴ്‌സ് മീറ്റും പൈതൃക കാംപയിന്‍ സമാപന സംഗമവും സംഘടിപ്പിച്ചു. കൂളിവയല്‍ ഇമാം ഗസാലി അക്കാദമിയില്‍ നടന്ന പരിപാടി എസ്.കെ.എസ്.എഫ് ജില്ലാ വൈസ് പ്രസിഡന്റ് മൊയ്തീന്‍ കുട്ടി യമാനി ഉദ്ഘാടനം ചെയ്തു. ത്വലബാ ജില്ലാ പ്രസിഡന്റ് ശംസുദ്ദീന്‍ പന്തിപ്പൊയില്‍ അധ്യക്ഷനായി.
ഓപണ്‍ ഡിസ്‌കഷനു സംസ്ഥാന കൗണ്‍സിലര്‍ ജുബൈര്‍ മീനങ്ങാടി, ജില്ലാ വൈസ് പ്രസിഡന്റ് വാസിഅ് പൊഴുതന നേതൃത്വം നല്‍കി. സമസ്ത ജില്ലാ വൈസ് പ്രസിഡന്റ് മമ്മുട്ടി മുസ്‌ലിയാര്‍ വെള്ളമുണ്ട വിഷയാവതരണം നടത്തി. നൗഷാദ് ഗസാലി, മുഹമ്മദലി ഗസാലി, റാഫി ബത്തേരി, മര്‍സദ് അഞ്ചുകുന്ന് പങ്കെടുത്തു. ത്വലബാ ജില്ലാ സെക്രട്ടറി അനസ് കമ്പളക്കാട് സ്വാഗതവും ട്രഷറര്‍ ആശിഖ് മാനഞ്ചിറ നന്ദിയും പറഞ്ഞു. ജില്ലയിലെ ദര്‍സ്-അറബിക് കോളജുകളിലെ ത്വലബാ എക്‌സിക്യൂട്ടിവ് അംഗങ്ങള്‍ പങ്കെടുത്തു.