മലപ്പുറം: സന്നദ്ധ സംഘടനയായ ഹോപ് വിഷന്റെ ആഭിമുഖ്യത്തില്‍ കാളമ്പാടി ശിശുപരിപാലന കേന്ദ്രത്തില്‍ പുതുവത്സരദിനം ആഘോഷിച്ചു. പി. ഉബൈദുള്ള എം.എല്‍.എ ഉദ്ഘാടനം ചെയ്തു. ചൈല്‍ഡ് വെല്‍ഫയര്‍ കമ്മറ്റിയംഗം അഡ്വ. ഹാരിസ് പഞ്ചിളി മുഖ്യാതിഥിയായി.
ഷാക്കിര്‍ പൂക്കാട്ടില്‍ അധ്യക്ഷനായി. സഫീര്‍ അലി, സൈനുല്‍ആബിദ്, അഫ്‌സല്‍ പരി, റിന്‍ഷ ബഷീര്‍, മജീദ് കുന്നത്ത്, അബ്ദുല്‍കരീം സംബന്ധിച്ചു.
പുതുവത്സര സമ്മാനമായി കുട്ടികള്‍ക്കുള്ള വസ്ത്രങ്ങളും തൊട്ടിലും ശിശുപരിപാലന കേന്ദ്രം സൂപ്രണ്ട് റാബിയക്ക് കൈമാറി.
വളണ്ടിയര്‍മാരുടെ നേതൃത്വത്തില്‍ പരിസരശുചീകരണവും വാട്ടര്‍ടാങ്ക്, കിണര്‍ ക്ലീനിങ്ങും നടത്തി. സമീര്‍ മച്ചിങ്ങല്‍, ആസാദ്, അസീസ് സിദ്ദീഖ്, അലവി ആലുങ്ങല്‍ നേതൃത്വം നല്‍കി.