അങ്ങാടിപ്പുറം: കടുങ്ങപുരം വില്ലേജ് പടിയിലെ വില്ലാ മാറ്ററസിന് തീപിടിച്ച് വന്‍ നാശനഷ്ടം. ഇന്നലെ രാവിലെ 7.45ഓടെ ഷട്ടറില്‍നിന്നു പുക ഉയരുന്നത് ശ്രദ്ധയില്‍പ്പെട്ട നാട്ടുകാര്‍ ഉടമസ്ഥനെ വിവരമറിയിക്കുകയായിരുന്നു.
പത്തോളം കിടക്കകളും അനുബന്ധ ഉപകരണങ്ങളും പൂര്‍ണമായും കത്തിനശിച്ചു. കെട്ടിടത്തിനും കേടുപാടുകള്‍ സംഭവിച്ചിട്ടുണ്ട്. പത്തുലക്ഷത്തിലേറെ രൂപയുടെ നാശനഷ്ടം സംഭവിച്ചതായി സ്ഥാപന ഉടമയായ ഹുസൈന്‍ പറോട്ടില്‍ പറഞ്ഞു. മലപ്പുറത്തുനിന്നും പെരിന്തല്‍മണ്ണയില്‍നിന്നും എത്തിയ ഫയര്‍ഫോഴ്‌സിന്റയും നാട്ടുകാരുടേയും സഹകരണത്തോടെയാണ് തീ അണച്ചത്. കൊളത്തൂര്‍ പൊലിസ് രക്ഷാപ്രവര്‍ത്തനങ്ങള്‍ക്കു നേതൃത്വം നല്‍കി.