കൊണ്ടോട്ടി: കലാസമിതികള്‍, ഗ്രന്ഥശാലകള്‍ തുടങ്ങിയ സാംസ്‌കാരിക കേന്ദ്രങ്ങളില്‍ മാപ്പിളകലകള്‍ പരിശീലിപ്പിക്കുന്നതിനായി സൗകര്യമൊരുക്കാന്‍ താല്‍പര്യമുള്ള സ്ഥാപനങ്ങള്‍ക്ക് മഹാകവി മോയിന്‍കുട്ടി വൈദ്യര്‍ മാപ്പിളകലാ അക്കാദിമിയില്‍ അഫിലിയേഷന്‍ നല്‍കുന്നു. അഫിലിയേഷന്‍ ലഭിച്ച കേന്ദ്രങ്ങള്‍ക്ക് മാപ്പിളകലാ പരിശീലനങ്ങള്‍ക്കായി സാമ്പത്തിക സഹായം അനുവദിക്കും.
കലാസമിതികളുടെയും അംഗീകൃത ഗ്രന്ഥശാലകലുടെയും ഭാരവാഹികള്‍ ഇന്ന് അക്കാദമിയില്‍ നടക്കുന്ന യോഗത്തില്‍ പങ്കെടുത്ത് അഫിലിയേഷന്‍ ഫോം നേരിട്ടു വാങ്ങണം. അപേക്ഷ സ്വീകരിക്കുന്ന അവസാന തിയതി: ജനുവരി 13. ഫോണ്‍: 0483 2711432.