കൂത്തുപറമ്പ്: മാനന്തേരി അങ്ങാടിക്കുളത്ത് ടിപ്പര്‍ ലോറി ബൈക്കിലിടിച്ച് ബൈക്ക് യാത്രികനു ഗുരുതരമായി പരുക്കേറ്റു. അപകടമുണ്ടാക്കിയ ലോറി നിര്‍ത്താതെ പോയി.
വലിയവെളിച്ചം ഫാക്ടറിയിലെ തൊഴിലാളിയും കാസര്‍കോട് സ്വദേശിയുമായ യാദവി(28)നാണ് പരുക്കേറ്റത്. ഇന്നലെ രാവിലെ 10.30 ഓടെയാണ് അപകടം. കണ്ണവം ഭാഗത്തേക്കു പോവുകയായിരുന്ന ബൈക്കിനു പിന്നില്‍ ലോറി ഇടിക്കുകയായിരുന്നു. നിയന്ത്രണം വിട്ട ബൈക്ക് എതിര്‍ദിശയില്‍ വന്ന മറ്റൊരു സ്വകാര്യ ബസ്സിലിടിച്ചു. യാദവിന്റെ വലതുകാലിന്റെ മുട്ടിനു കീഴ്ഭാഗത്തുകൂടി ലോറിയുടെ ടയര്‍ കയറിയിറങ്ങി. ഗുരുതരാവസ്ഥയില്‍ യാദവിനെ കോഴിക്കോട് മെഡിക്കല്‍ കോളേജാശുപത്രിയില്‍ പ്രവേശിപ്പിച്ചു.