ചക്കരക്കല്‍: ഗ്രാന്‍മ കള്‍ച്ചറല്‍ സെന്റര്‍ നടത്തുന്ന ചക്കരക്കല്‍ ഫെസ്റ്റ് ഇന്ന് സമാപിക്കും. ഗോകുലം ഓഡിറ്റോറിയത്തിനു മുന്നിലൊരുക്കിയ ഫെസ്റ്റില്‍ അമ്യൂസ്‌മെന്റ് പാര്‍ക്ക്, ഫുഡ് കോര്‍ട്ട്, വിവിധ വാണിജ്യ സ്റ്റാള്‍ എന്നിവയൊരുക്കിയിട്ടുണ്ട്.
ഒമ്പതു രൂപ മുതല്‍ 199 രൂപവരെ വിലയുള്ള ഉല്‍പന്നങ്ങളുടെ വിപണനമേളയില്‍ നിരവധിയാളുകളാണ് നിത്യേനയെത്തുന്നത്. യു.പി ക്ലാസ് വരെയുള്ള കുട്ടികള്‍ക്ക് പ്രവേശനം സൗജന്യമാണ്.
ഡി.വൈ.എഫ്.ഐയുടെ പുസ്തക സ്റ്റാളും പ്രവര്‍ത്തിക്കുന്നുണ്ട്. ഐ.ആര്‍.പി.സിക്ക് ഗ്രാന്‍മയുടെ വകയായി ഭക്ഷണകിറ്റും നല്‍കി.
കഴിഞ്ഞ അഞ്ചു വര്‍ഷക്കാലമായി ഗ്രാന്‍മ കള്‍ച്ചറല്‍ സെന്റര്‍ പ്രവര്‍ത്തിക്കുന്നുണ്ട്. ഫെസ്റ്റിന്റെ സമാപന ദിവസം ഐ.ആര്‍.പി.സിക്ക് നല്‍കുന്ന ധനസഹായം സി.പി.എം ജില്ലാ സെക്രട്ടറി പി ജയരാജന്‍ ഏറ്റുവാങ്ങും.