കോഴിക്കോട്: 71 ാമത് സന്തോഷ് ട്രോഫിക്കുള്ള ടീമുകള്‍ ഇന്നെത്തും. കേരളാ ടീം നേരത്തെ കോഴിക്കോട്ടെത്തി പരിശീലനം തുടങ്ങിയിരുന്നു. ആന്ധ്രാപ്രദേശ്, കര്‍ണാടക, പുതുച്ചേരി എന്നീ ടീമുകളാണ് ഇന്ന് കോഴിക്കോട്ടെത്തുന്നത.് രാവിലെ ഏഴു മുതല്‍ റെയില്‍ വേ സ്റ്റേഷനിലെത്തുന്ന ടീമുകള്‍ക്ക് കെ. എഫ്. എയുടെ ആഭിമുഖ്യത്തില്‍ സ്വീകരണം നല്‍കും.
ഇന്നലെ കേരള ടീം ആര്‍മി ടീമുമായി കോര്‍പറേഷന്‍ സ്റ്റേഡിയത്തില്‍ പരിശീലന മത്സരം കളിച്ചു. കേരളം ഇന്ന് മുതല്‍ മെഡിക്കല്‍ കോളജ് സ്റ്റേഡിയത്തില്‍ പരിശീലനം നടത്തും. പുതിയാപ്പ, ഫാറുഖ് ഹയര്‍സെക്കണ്ടറി സ്‌കൂള്‍ ഗ്രൗണ്ട് എന്നിവിടങ്ങളിലായിരിക്കും മറ്റു ടീമുകള്‍ പരിശീലനം നടത്തുക. മറ്റ് ടീമുകള്‍ക്ക് പരിശീലനത്തിനുള്ള സ്‌റ്റേഡിയത്തിലെ ഒരുക്കങ്ങള്‍ ഏകദേശം പൂര്‍ത്തിയായിട്ടുണ്ട്. രണ്ട് ദിവസം കൊണ്ട് പ്രവര്‍ത്തികള്‍ പൂര്‍ത്തിയാകുമെന്ന് അധികൃതര്‍ അറിയിച്ചു.