ന്യൂഡല്‍ഹി: ഉത്തരേന്ത്യയില്‍ ശൈത്യം അതിരൂക്ഷമാകുന്നു. കനത്ത മൂടല്‍മഞ്ഞുമൂലം ഡല്‍ഹിയിലും ഉത്തര്‍പ്രദേശിലും ജനങ്ങള്‍ വിറങ്ങലിക്കുകയാണ്. ഡല്‍ഹിയില്‍ മൂടല്‍മഞ്ഞു കാരണം വ്യോമ,ട്രെയിന്‍,റോഡ് ഗതാഗതം താറുമാറായി.

ന്യൂഡല്‍ഹി ഇന്ദിരാഗന്ധി ദേശീയ വിമാനത്താവളത്തില്‍ ഏഴു അന്താരാഷ്ട്ര സര്‍വിസുകളും രണ്ട് ആഭ്യന്തര സര്‍വിസുകളും റദ്ദാക്കി.

ഡല്‍ഹിയില്‍ 55 ട്രെയിനുകള്‍ വൈകിയാണോടുന്നത്. 22 സര്‍വിസുകള്‍ സമയക്രമം മാറ്റി. ആറെണ്ണം റദ്ദാക്കുകയും ചെയ്തു. മഞ്ഞു മൂലം റോഡ് ഗതാഗതവും സ്തംഭിച്ചിരിക്കുകയാണ്. ഉത്തരേന്ത്യന്‍ സംസ്ഥാനങ്ങളില്‍ ജനങ്ങള്‍ കോച്ചുന്ന തണുപ്പില്‍ നിന്ന് രക്ഷ നേടാന്‍ തീപുകച്ച് നില്‍ക്കുന്ന കാഴ്ചയാണ് എങ്ങും കാണുന്നത്.