കല്‍പ്പറ്റ: കേരള സ്റ്റേറ്റ് സര്‍വിസ് പെന്‍ഷനേഴ്‌സ് അസോസിയേഷന്‍ ജില്ലാ സമ്മേളനം ഇന്നും നാളെയുമായി കല്‍പ്പറ്റയില്‍ നടക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. സമ്മേളനം ഇന്നു രാവിലെ 11ന് അസോസിയേഷന്‍ സംസ്ഥാന വൈസ് പ്രസിഡന്റ് വി. കുഞ്ഞിരാമന്‍ ഉദ്ഘാടനം ചെയ്യും.
സൗജന്യ ചികിത്സാ പദ്ധതി നടപ്പാക്കുക, മൂന്ന് ഗഡുക്കളായി വിതരണം ചെയ്യുമെന്ന് പ്രഖ്യാപിച്ച പെന്‍ഷന്‍ കുടിശിക ഒറ്റത്തവണയായി അനുവദിക്കുക എന്നീ ആവശ്യങ്ങള്‍ അസോസിയേഷന്‍ ഉന്നയിച്ചു. വാര്‍ത്താസമ്മേളനത്തില്‍ ജില്ലാ പ്രസിഡന്റ് ടി.ഒ റെയ്മണ്‍, സെക്രട്ടറി വിപിന ചന്ദ്രന്‍, ട്രഷറര്‍ ടി.കെ ജേക്കബ്, വേണുഗോപാല്‍ കീഴ്‌ശേരി പങ്കെടുത്തു.