കണ്ണൂര്‍: ഡോക്ടറുടെ വീട്ടില്‍ കവര്‍ച്ചനടത്തിയ സംഭവത്തില്‍ വീട്ടുവേലക്കാരിയെ പൊലിസ് അറസ്റ്റുചെയ്തു. പാടിയോട്ടുചാല്‍ ഏച്ചിലംപാറ കുന്നാലെവളപ്പില്‍ വീട്ടില്‍ കെ.വി നളിനിയെ(51) ആണ് ടൗണ്‍ സി.ഐ കെ.വി വേണുഗോപാലും സംഘവും പിടികൂടിയത്. കഴിഞ്ഞമാസം കണ്ണൂര്‍ എന്‍.എസ് തിയേറ്റിനു സമീപത്തെ ഡോ. കനകലതയുടെ വീട്ടില്‍നിന്നു 40 പവന്‍ സ്വര്‍ണാഭരണങ്ങള്‍ കവര്‍ന്നകേസിലാണ് അറസ്റ്റ്. കഴിഞ്ഞ നവംബര്‍ 18നു ഗള്‍ഫിലേക്ക് പോയ കുടുംബം വീടിന്റെ താക്കോല്‍ നളിനിയെ ഏല്‍പ്പിച്ചിരുന്നു. പത്തുവര്‍ഷമായി നളിനു വീട്ടുജോലി ചെയ്ത് താമസിച്ചുവരികയായിരുന്നു. ഡിസംബര്‍ മൂന്നിനു നാട്ടില്‍ തിരിച്ചെത്തിയ ഡോക്ടറും കുടുംബവും അലമാര തുറന്നപ്പോഴാണു കവര്‍ച്ചാവിവരം അറിഞ്ഞത്. നളിനിക്കൊപ്പം രാത്രി വീട്ടില്‍കൂട്ടിരിക്കുന്ന അയല്‍വാസിയെ ചോദ്യം ചെയ്തപ്പോഴാണു നളി നി വള പണയം വയ്ക്കാന്‍ തന്നകാര്യം പൊലിസിനു ലഭിച്ചത്. ആദ്യം മുതല്‍ നളിനി നിഷേധിച്ചതിനെ തുടര്‍ന്നാണ് അയല്‍വാസിയെ ചോദ്യംചെയ്തത്. പ്രതിയെ ജുഡീഷ്യല്‍ ഒന്നാംക്ലാസ് കോടതി (ഒന്ന്) റിമാന്‍ഡ് ചെയ്തു.