ഇരിക്കൂര്‍: അധാര്‍മികതകള്‍ വര്‍ധിച്ചു വരുന്ന കാലഘട്ടത്തില്‍ കുട്ടികളുടെ നേര്‍വഴിക്ക് വിദ്യാര്‍ഥികളുടെ കൂട്ടായ്മ ആവശ്യമാണെന്നും ഇക്കാര്യത്തില്‍ എസ്.കെ.എസ്.ബി.വി നടത്തുന്ന പ്രവര്‍ത്തനങ്ങള്‍ ശ്ലാഘനീയമാണെന്നും ബഷീര്‍ അസ്അദി നമ്പ്രം. എസ്.കെ.എസ്.ബി.വി ജില്ലാ കമ്മിറ്റി ഇരിക്കൂര്‍ കമാലിയ്യ മദ്‌റസയില്‍ സംഘടിപ്പിച്ച എക്‌സിക്യൂട്ടീവ് മീറ്റ് ഉദ്ഘാടനം ചെയ്യ്യുകയായിരുന്നു അദ്ദേഹം. അബ്ദുല്‍ ഷുക്കൂര്‍ ഫൈസി പുഷ്പഗിരി അധ്യക്ഷനായി. അബ്ദുസമദ് മുട്ടം, നൗഷാദ് ഇരിക്കൂര്‍ ക്ലാസുകള്‍ക്ക് നേതൃത്വം നല്‍കി. മാണിയൂര്‍ അബ്ദുറഹ്മാന്‍ ഫൈസി, സി മുനീര്‍ ഹാജി, കെ.ടി അനസ്, കെ. പി മൊയ്തീന്‍ കുഞ്ഞി, പി അബ്ദുല്‍ സലാം മൗലവി, കെ.കെ മുഹമ്മദ് മൗലവി, ടി.സി റിയാസ് , സി.പി നൗഷാദ്, മുനീര്‍ കുന്നത്ത്, സി.സി മായിന്‍ ഹാജി, നാസര്‍ ഊര്‍പ്പള്ളി, കെ.കെ റഫീഖ് മൗലവി സംസാരിച്ചു. സംസ്ഥാന സെക്രട്ടറിയായി തെരഞ്ഞടുത്ത സജീര്‍ കാടച്ചിറയ്ക്ക് മുഹമ്മദ് ബ്‌നു ആദം ഉപഹാരം നല്‍കി. അഫ്‌സല്‍ രാമന്തളി, അര്‍ഷദ് പിലാത്തറ, അസ്‌ലം കാങ്കോല്‍, സജീദ് ആയിപ്പുഴ, മുഹമ്മദ് തണ്ടപ്പറമ്പ്, സയ്യിദ് റിസ്‌വാന്‍ തങ്ങള്‍ സുഹൈല്‍ തടികടവ് സംബന്ധിച്ചു.