അഞ്ചാം തിയതി ഉച്ചതിരിഞ്ഞ് 3.30ന് നടക്കുന്ന ചടങ്ങില്‍ ഇന്നസെന്റ് എം.പി കായികമേള ഉദ്ഘാടനം ചെയ്യും. ഏഴാം തിയ്യതി വൈകീട്ട് നടക്കുന്ന സമാപന സമ്മേളനം കായിക യുവജനക്ഷേമ വ്യവസായ വകുപ്പ് മന്ത്രി എ.സി മൊയ്തീന്‍ ഉദ്ഘാടനം ചെയ്യും.
കൊടുങ്ങല്ലൂര്‍: മുപ്പത്തിനാലാമത് സംസ്ഥാന ടെക്‌നിക്കല്‍ സ്‌കൂള്‍ കായികമേളക്കായി കൊടുങ്ങല്ലൂര്‍ ഒരുങ്ങി. കൊടുങ്ങല്ലൂര്‍ ഗവ.ടെക്‌നിക്കല്‍ ഹൈസ്‌കൂള്‍ മൈതാനിയില്‍ ഈ മാസം 5, 6, 7 തിയ്യതികളിലായാണ് കായിക മേള നടക്കുന്നത്.
കായിക മേളക്കാക്കായുള്ള മൈതാനം സജ്ജീകരിക്കുന്ന തിരക്കിലാണ് സംഘാടകര്‍. കേരളത്തിലെ നാല്‍പ്പത്തിയെട്ട് ടെക്‌നിക്കല്‍ ഹൈസ്‌കൂളുകളില്‍ നിന്നുമായി 765 കുട്ടികളാണ് കായിക മേളയില്‍ പങ്കെടുക്കുന്നത്. സീനിയര്‍, ജൂനിയര്‍, സബ് ജൂനിയര്‍ വിഭാഗങ്ങളിലായി 57 ഇനങ്ങളില്‍ മത്സരം നടക്കും.
അഞ്ചാം തിയതി ഉച്ചതിരിഞ്ഞ് 3.30ന് നടക്കുന്ന ചടങ്ങില്‍ ഇന്നസെന്റ് എം.പി കായികമേള ഉദ്ഘാടനം ചെയ്യും. ഏഴാം തിയ്യതി വൈകീട്ട് നടക്കുന്ന സമാപന സമ്മേളനം കായിക യുവജനക്ഷേമ വ്യവസായ വകുപ്പ് മന്ത്രി എ.സി മൊയ്തീന്‍ ഉദ്ഘാടനം ചെയ്യും. കൃഷി വകുപ്പ് മന്ത്രി വി.എസ് സുനില്‍കുമാര്‍ അധ്യക്ഷനാകും.
എം.എല്‍.എമാരായ വി.ആര്‍ സുനില്‍ കുമാര്‍, ഇ.ടി ടൈസണ്‍ മാസ്റ്റര്‍ എന്നിവര്‍ സമ്മാന വിതരണം നിര്‍വഹിക്കും. സംസ്ഥാന കായിക മേളയുടെ നടത്തിപ്പിനായി മികച്ച സംവിധാനങ്ങള്‍ ഏര്‍പെടുത്തിയിട്ടുള്ളതായി നഗരസഭാ ചെയര്‍മാന്‍ സി.സി വിപിന്‍ ചന്ദ്രന്‍, സ്‌കൂള്‍ സൂപ്രണ്ട് പി.കെ സജീഷ് എന്നിവര്‍ അറിയിച്ചു.