ആറ്റൂര്‍: ദാറുല്‍ ഫലാഹ് ദശവാര്‍ഷിക മഹാസമ്മേളനത്തിനോടനുബന്ധിച്ച് മജ്‌ലിസുന്നൂര്‍ ആത്മീയ സംഗമം നടന്നു. കോഴിക്കോട് വലിയ ഖാസി ജമലുല്ലൈലി തങ്ങള്‍ ഉദ്ഘാടനം നിര്‍വഹിച്ചു.
എം.എം മുഹിയദ്ദീന്‍ മൗലവി ആലുവ അധ്യക്ഷനായി. പി.കെ ഇമ്പിച്ചിക്കോയ തങ്ങള്‍ പ്രാര്‍ഥനക്ക് നേതൃത്വം നല്‍കി. സുലൈമാന്‍ ദാരിമി ഏലംകുളം മുഖ്യപ്രഭാഷണം നടത്തി. ഇസ്മാഈല്‍ അല്‍ ഹസനി, ബാദുഷ അന്‍വരി, പി.ടി കുഞ്ഞിമുഹമ്മദ് ദാരിമി, ഹനീഫ അന്‍വരി, ഹബീബ് ആറ്റൂര്‍ തുടങ്ങിയവര്‍ സംസാരിച്ചു.
ദാറുല്‍ ഫലാഹ് പരിസര പ്രദേശത്തെ നാല്‍പതില്‍പരം പള്ളികളിലെ ഖത്വീബുമാരും കമ്മിറ്റി ഭാരവാഹികളും പങ്കെടുത്തു. വൈകീട്ട് നടന്ന സര്‍ഗ്ഗ വസന്തം സാഹിത്യകാരന്‍ ഗിന്നസ് സത്താര്‍ ആദൂര്‍ ഉദ്ഘാടനം ചെയ്തു. ഹിഫ്‌ള് കോളജ് പ്രിന്‍സിപ്പല്‍ ഹാഫിള് ശിഹാബ് അബ്ദുല്ല റഹ്മാനി അധ്യക്ഷനായി. ദാറുല്‍ ഫലാഹ് കോളജ് വൈസ് പ്രിന്‍സിപ്പല്‍ അബ്ദുല്‍ റഹ്മാന്‍ വാഫി, ബഷീര്‍ കല്ലേപ്പാടം, സുഹൈല്‍ തങ്ങള്‍, ബഷീര്‍ അഹ്മദ് ബുര്‍ഹാനി, കെ.എച്ച് സുഫൈല്‍ തുടങ്ങിയവര്‍ സംസാരിച്ചു. വിദ്യാര്‍ഥികളുടെ കലാപരിപാടികള്‍ അരങ്ങേറി.