2016 ഡിസംബര്‍ മാസത്തേക്ക് അനുവദിച്ച റേഷന്‍ സാധനങ്ങള്‍ ജനുവരി ഏഴ് വരെ റേഷന്‍ കടകളില്‍ നിന്ന് കൈപ്പറ്റാമെന്ന് ജില്ലാ സപ്ലൈ ഓഫീസര്‍ അറിയിച്ചു. എ.എ.വൈ കാര്‍ഡുകള്‍ക്ക് 28 കി. അരിയും ഏഴ് കി. ഗോതമ്പും മുന്‍ഗണനാ വിഭാഗം കാര്‍ഡുടമകള്‍ക്ക് ആളൊന്നിന് നാല് കി. അരിയും ഒരു കി. ഗോതമ്പും ലഭിക്കും. സബ്‌സിഡിയുള്ള മുന്‍ഗണനേതര വിഭാഗത്തിന് ആളൊന്നിന് രണ്ട് കി. അരി രണ്ട് രൂപ നിരക്കിലും പൊതു മുന്‍ഗണനേതര വിഭാഗത്തിന് കാര്‍ഡൊന്നിന് രണ്ട് കി. ഭക്ഷ്യധാന്യം 8.90 നിരക്കില്‍ അരിയും 6.70 രൂപ നിരക്കില്‍ ഗോതമ്പും ലഭിക്കും. വൈദ്യുതീകരിച്ച കാര്‍ഡിന് അര ലിറ്ററും വൈദ്യുതീകരിക്കാത്ത കാര്‍ഡിന് നാല് ലിറ്റര്‍ മണ്ണെണയും ലഭിക്കും.