തിരുവനന്തപുരം: സര്‍ക്കാര്‍, സ്വാശ്രയ കോളജുകളിലെ പ്രൊഫഷനല്‍ ഡിപ്ലോമ ഇന്‍ ഫാര്‍മസി, ഹെല്‍ത്ത് ഇന്‍സ്‌പെക്ടര്‍, മറ്റു പാരാമെഡിക്കല്‍ കോഴ്‌സുകള്‍ എന്നിവയില്‍ ഒഴിവുള്ള സീറ്റുകളിലേക്ക് പ്രവേശനത്തിന് എല്‍.ബി.എസ് സെന്റര്‍, ജില്ലാ ഫെസിലിറ്റേഷന്‍ സെന്ററുകളില്‍ ജനുവരി മൂന്നിന് രാവിലെ പത്തിന് നടത്തേണ്ടിയിരുന്ന സ്‌പോട്ട് അലോട്ട്‌മെന്റ് ജനുവരി ആറിലേക്കു മാറ്റി.
ഒരു സ്വാശ്രയ കോളജില്‍ നിന്ന് മറ്റൊരു സ്വാശ്രയ കോളജിലേക്ക് മാറ്റം അനുവദിക്കില്ല. അലോട്ട്‌മെന്റ് ലഭിക്കുന്നവര്‍ അന്നു തന്നെ നിര്‍ദിഷ്ട ഫീസ് അടയ്ക്കണം. അലോട്ട്‌മെന്റ് ലഭിച്ചവര്‍ അതത് കോളജുകളില്‍ ജനുവരി ഒന്‍പതിനു വൈകുന്നേരം അഞ്ചിനകം പ്രവേശനം തേടണം.