മലപ്പുറം: പെരുമ്പിലാവ് ഇമാം ഹദ്ദാദ് ചാരിറ്റബിള്‍ ട്രസ്റ്റ് സാമൂഹിക സാംസ്‌കാരിക മേഖലകളില്‍ ക്രിയാത്മകമായ ഇടപെടലുകള്‍ നടത്തുന്നവര്‍ക്കായി ഏര്‍പെടുത്തിയ ഇമാം ഹദ്ദാദ് എക്‌സലന്‍സ് അവാര്‍ഡ് മലപ്പുറം ഡിടിപിസി ഹാളില്‍ നടന്ന ചടങ്ങില്‍ പാണക്കാട് മുനവ്വറലി ശിഹാബ് തങ്ങള്‍ സമര്‍പിച്ചു. ഇസ്‌ലാമിക കര്‍മ ശാസ്ത്രത്തിലും അറബി കാവ്യ രചനയിലും കഴിവു തെളിയിച്ച ഹംസക്കുട്ടി മുസ്‌ല്യാര്‍ അവാര്‍ഡിന് തികച്ചും അര്‍ഹനാണെന്നും ഇത് വൈകി വന്ന അംഗീകാരമാണെന്നും മുനവ്വറലി തങ്ങള്‍ അഭിപ്രായപ്പെട്ടു. ഇമാം ഹദ്ദാദ് ചാരിറ്റബിള്‍ ട്രസ്റ്റ് ചെയര്‍മാന്‍ ഹാശിം ഹദ്ദാദ് തങ്ങള്‍ അധ്യക്ഷനായി. പി.വി അബ്ദുല്‍ വഹാബ് എംപി, അബ്ദുസമദ് സമദാനി, ഇല്ല്യാസ് മൗലവി, ഡോ. ജമാലുദ്ദീന്‍ ഫാറൂഖി, ഹക്കീം ഫൈസി ആദൃശ്ശേരി, കാളമ്പ്ര സൈതലവി മുസ്്‌ല്യാര്‍, എന്‍ സൂപ്പി, എം വി സലീം മൗലവി, കെ എം റിയാലു, എ.പി നിസാം, അബ്ദുറഹിമാന്‍ ആദൃശ്ശേരി എന്നിവര്‍ സംസാരിച്ചു.