ദോഹ: ലോക സമാധാന സന്ദേശവുമായി സൈക്കിളില്‍ ലോകത്തെ വിവിധ രാജ്യങ്ങള്‍ സന്ദര്‍ശിക്കാനിറങ്ങിയ നേപ്പാളി സുഹൃത്തുക്കള്‍ കഴിഞ്ഞ ദിവസം ഖത്തറിലെ ഏഷ്യന്‍ ടൗണിലെത്തി.

നേപ്പാളിലെ എവറസ്റ്റ് ലുംബിനിയില്‍നിന്നുള്ള ലോക് ബന്ധു കര്‍ക്കിയും സുഹൃത്തുമാണ് വിവിധ രാജ്യങ്ങള്‍ താണ്ടി ഖത്തറിലെത്തിയത്.

2004ല്‍ ആരംഭിച്ച ഇവരുടെ യാത്ര ഈ വര്‍ഷം അവസാനിക്കും. സ്ഥിരമായ സമാധാനവും യഥാര്‍ഥമായ മനുഷ്യത്വവും പ്രചരിപ്പിക്കുകയാണ് തങ്ങളുടെ ലക്ഷ്യമെന്ന് ഇവര്‍ പറഞ്ഞു.


നേപ്പാളില്‍നിന്ന് സൈക്കിളില്‍ സഞ്ചരിച്ചെത്തിയ ഇവരെ കാണാന്‍ ഏഷ്യന്‍ ടൗണില്‍ നിരവധി പേര്‍ കൗതുക പൂര്‍വ്വം ചുറ്റും കൂടി. പലരും ഇരുവരെയും ഒപ്പം നിര്‍ത്തി സെല്‍ഫി എടുക്കുകയും ചെയ്തു.