തിരുവനന്തപുരം: തിരുവനന്തപുരം ടെക്‌നോപാര്‍ക്ക്, കൊച്ചി ഇന്‍ഫോപാര്‍ക്ക്, കോഴിക്കോട് സൈബര്‍ പാര്‍ക്ക് എന്നീ ഐ.ടി പാര്‍ക്കുകളുടെ ചീഫ് എക്‌സിക്യൂട്ടീവ് ഓഫിസറായി ഋഷികേശ് ആര്‍. നായരെ നിയമിക്കാന്‍ മന്ത്രിസഭായോഗം തീരുമാനിച്ചു.
കണ്ണൂര്‍ കോര്‍പറേഷന്റെ സുഗമമായ പ്രവര്‍ത്തനത്തിന് കോര്‍പറേഷന്‍ സെക്രട്ടറി, ഓഫിസ് ജീവനക്കാര്‍, സാനിട്ടേഷന്‍ ജീവനക്കാര്‍, എന്നിവരുടെ അധിക തസ്തികകള്‍ സൃഷ്ടിച്ചു. ഹിന്ദുസ്ഥാന്‍ ന്യൂസ് പ്രിന്റ് ലിമിറ്റഡിന് വനാധിഷ്ഠിത അസംസ്‌കൃത വസ്തുക്കളായ മുള, ഈറ്റ, യൂക്കാലിപ്‌സ്, അക്കേഷ്യ എന്നിവ 2015- 16 വര്‍ഷത്തിലേതു പോലെ ഒരു മെട്രിക് ടണ്ണിന് 1,000 രൂപ എന്ന നിരക്കില്‍ ഈ സാമ്പത്തിക വര്‍ഷവും അനുവദിക്കാനും തീരുമാനിച്ചു.