അഞ്ചല്‍: രാവിലെ വര്‍ണ്ണശബളമായ ഘോഷയാത്രയോടെയായിരുന്നു രണ്ടാം ദിനത്തിന്റെ തുടക്കം. അഞ്ചല്‍ ബി.വി യു.പി സ്‌കൂള്‍ അങ്കണത്തില്‍ ജില്ലാ പഞ്ചായത്ത് പ്രസിഡന്റ് കെ ജഗദമ്മ ഘോഷയാത്ര ഫ്‌ളാഗോഫ് ചെയ്തു. ബാന്റ് മേളം, ചെണ്ടമേളം, മുത്തൂക്കുട, പ്രഛന്ന വേഷങ്ങള്‍, സ്റ്റുഡന്റ്‌സ് പോലീസ് കേഡറ്റ്‌സ്, ജെ.ആര്‍.സി എന്നിവര്‍ പങ്കെടുത്തഘോഷയാത്ര ഈസ്റ്റ് ഹൈസ്‌കൂള്‍ അങ്കണത്തില്‍ സമാപിച്ചു. ഘോഷയാത്രയില്‍ മികച്ച പ്രകടനം നടത്തിയ അഞ്ചല്‍ വെസ്റ്റ് എച്ച്.എസിന് ഒന്നാം സമ്മാനവും ഈസ്റ്റ് എച്ച്.എസിന് രണ്ടാം സമ്മാനവും ലഭിച്ചു.
തുടര്‍ന്ന് ഒന്നാം വേദിയില്‍ പൊതുസമ്മേളനം നടന്നു. ഉദ്ഘാടകനും സ്ഥലം എം.എല്‍.എയും കൂടിയായ വനം മന്ത്രി കെ. രാജു എത്താത്തതിനാല്‍ എന്‍.കെ പ്രേമചന്ദ്രന്‍ എം.പി ഉദ്ഘാടകനായി. കലോത്സവത്തിന്റെ മത്സരങ്ങള്‍ ജനകീയ പങ്കാളിത്തത്തോടെ നടത്താനും മത്സരം രക്ഷകര്‍ത്താക്കള്‍ തമ്മില്‍ ആകാതിരിക്കാനും സംഘാടകര്‍ ശ്രദ്ധിക്കണമെന്നും എം.പി പറഞ്ഞു.