ആലപ്പുഴ:ലഹരി ഗുളികകളുമായി യുവാവ് പിടിയില്‍.നിരവധി കേസുകളിലെ പ്രതിയായ വഴിച്ചേരി ,കുമാര്‍ നിവാസില്‍ റോബര്‍ട്ട് (35)നെയാണ് ആലപ്പുഴ എക്‌സൈസ് സര്‍ക്കിള്‍ ഇന്‍സ് പെക്ടര്‍. പി. വിനയകുമാറിന്റെ നേതൃത്വത്തിലുള്ള എക്‌സൈസ് സംഘം അറസ്റ്റ് ചെയ്തത്.
രഹസ്യ വിവരത്തെതുടര്‍ന്ന് ഇന്നലെ വൈകുന്നേരം 5 മണിയോടെ വഴിച്ചേരി ടെലിഫോണ്‍ എക്‌സ്‌ചേഞ്ച് റോഡിന് സമീപത്തുനിന്നുമാണ് അറസ്റ്റ് ചെയ്തത് പരിശോധനയില്‍ ഇയാളില്‍നിന്നും മയക്കുമരുന്ന് ഇനത്തില്‍പ്പെട്ട 63 നൈട്രോ സെപാം ഗുളികളാണ് കണ്ടെടുത്തത്.നഗരത്തിലെ സ്‌കൂള്‍, കോളേജുകളിലെ വിദ്യാര്‍ത്ഥികള്‍ക്ക് കഞ്ചാവ് ഉല്‍പ്പെടെയുള്ള ലഹരി പദാര്‍ത്ഥങ്ങള്‍ എത്തിച്ചു കൊടുക്കുന്ന മാഫിയയിലെ മുഖ്യ കണ്ണിയാണ് ഇയാള്‍. വിവിധ പൊലീസ് കേസുകളില്‍ പ്രതിയായ ഇയാള്‍ പലതവണ ജയില്‍ ശിക്ഷ അനുഭവിച്ചിട്ടുണ്ടെന്ന് എക്‌സൈസ് സംഘം അറിയിച്ചു.ആലപ്പുഴ സെഷന്‍സ് കോടതില്‍ ഹാജരാക്കിയ പ്രതിയെ റിമാന്റ് ചെയ്തു. അസ്സി, എക്‌സൈസ് ഇന്‍സ്‌പെക്റ്റര്‍ വി വി. മുഹമ്മദ് നാസര്‍, സിവില്‍ എക്‌സൈസ് ഓഫീസറന്മാരായ വി ജെ ടോമിച്ചന്‍, എ.അബ്ബുല്‍ ഷുക്കൂര്‍, വി പി, ജോസ്.. വി കെ.മനോജ് കുമാര്‍, ഇ കെ.ഷറീഫ് എന്നിവര്‍ എക്‌സൈസ് സംഘത്തിലുണ്ടായിരുന്നു.