ഭോപ്പാല്‍: മധ്യപ്രദേശിലെ ഷിയോപൂരില്‍ കര്‍ഷകന് ലഭിച്ചത് ഗാന്ധിജിയുടെ ചിത്രമില്ലാത്ത 2000 രൂപയുടെ നോട്ടുകള്‍. സ്റ്റേറ്റ് ബാങ്ക് ഓഫ് ഇന്ത്യ ശാഖയില്‍ നിന്നാണ് ഗാന്ധിജിയുടെ ചിത്രം അച്ചടിക്കാത്ത നോട്ടുകള്‍ ലഭിച്ചത്.

വ്യാജ നോട്ടാണെന്ന് ധരിച്ച ഗ്രാമീണര്‍ നോട്ടുമായി ബാങ്കിലെത്തിയപ്പോള്‍ അത് വ്യാജമല്ലെന്നും അച്ചടിപിശകാണെന്നുമാണ് ബാങ്ക് അധികൃതര്‍ നല്‍കിയ മറുപടി.
ഇത്തരത്തില്‍ അച്ചടിപിശകുള്ള നോട്ടുകള്‍ ലഭിച്ചതായി പലയിടങ്ങളില്‍ നിന്നും പരാതി ഉയര്‍ന്നതായി പൊലിസ് പറഞ്ഞു. പലയിടങ്ങളിലും അച്ചടിപിശകുവന്ന നോട്ടുകള്‍ തിരിച്ചെടുക്കാന്‍ ബാങ്കുകള്‍ തയ്യാറായിട്ടില്ല.