ബംഗളുരു: പുതുവത്സരദിനത്തില്‍ ബംഗളുരുവില്‍ യുവതിയെ ലൈംഗികാതിക്രമത്തിനിരയാക്കിയ സംഭവത്തില്‍ പൊലിസ് നാലു പേരെ അറസ്റ്റ് ചെയ്തു. യുവതിക്ക് നേരെ നടന്ന ലൈംഗികാതിക്രമണത്തിന്റെ സി.സി.ടി.വി ദൃശ്യങ്ങള്‍ പുറത്തു വന്നിരുന്നു. ജനുവരി ഒന്നിന് പുലര്‍ച്ചെ രണ്ടരയ്ക്കാണ് സംഭവമുണ്ടായത്.

പുതുവത്സരാഘോഷത്തിന് ശേഷം വീട്ടിലേക്ക് വരികയായിരുന്ന യുവതിയെ ബൈക്കിലെത്തിയ രണ്ടു പേരിലൊരാള്‍ കടന്നുപിടിക്കുകയായിരുന്നു. തുടര്‍ന്ന് ബൈക്കിന് സമീപത്തേക്ക് പിടിച്ചുകൊണ്ടുപോയെങ്കിലും യുവതിയുടെ എതിര്‍പ്പുമൂലം ശ്രമം ഉപേക്ഷിക്കുകയായിരുന്നു. ബംഗളൂരുവിലെ കമ്മനഹള്ളിയിലാണ് സംഭവം.