മുട്ടത്തോടി: സമസ്തക്കു അസ്തിവാരമിട്ടത് തഖ്‌വയിലധിഷ്ഠിഷതമായിട്ടാണെന്നും മതത്തിന്റെ സംരക്ഷണമാണ് സമസ്തയുടെ ലക്ഷ്യമെന്നും എസ്.വൈ.എസ്. സംസ്ഥാന വൈസ് പ്രസിഡന്റ് ഡോ. ഖത്തര്‍ ഇബ്രാഹിം ഹാജി. ഹിദായത്ത് നഗറില്‍ നടക്കുന്ന കണ്ണിയത്ത് ഉസ്താദ്- ശംസുല്‍ ഉലമ അനുസ്മരണ പരിപാടിയുടെ ഭാഗമായുള്ള മതപ്രഭാഷണ പരമ്പര ഉദ്ഘാടനം ചെയ്യുകയായിരുന്നു അദ്ദേഹം.
ബി.എം. അബ്ദുല്ല ഹാജി അധ്യക്ഷനായി. ഓണമ്പള്ളി മുഹമ്മദ് ഫൈസി പ്രഭാഷണം നടത്തി. എസ്.പി.എസ് അബൂബക്കര്‍ തങ്ങള്‍, എസ്.പി സ്വലാഹുദ്ധീന്‍, ഹമീദ് പറപ്പാടി, യു സഹദ് ഹാജി, സി.എ അബ്ദുല്ലക്കുഞ്ഞി, സി.ഐ അബ്ദുല്‍ സലാം, എന്‍.എ ലത്തീഫ്, കെ.എ മുഹമ്മദ് ഹാജി, അഹമ്മദ് മുനാസില്‍, മുനീസ് സംബന്ധിച്ചു. പരിപാടിയുടെ സമാപന സമ്മേളനം ഇന്നു വൈകുന്നേരം 6.30നു കെ.എസ് അലി തങ്ങള്‍ കുമ്പോല്‍ ഉദ്ഘാടനം ചെയ്യും. ഇബ്രാഹിം ഫൈസി ജെഡിയാര്‍, ഹാരിസ് ദാരിമി, ഹംസ വഹബി സംബന്ധിക്കും. തുടര്‍ന്ന് സുബൈര്‍ മാസ്റ്റര്‍ തോട്ടിക്കലിന്റെ കഥാപ്രസംഗം നടക്കും.