നിലമ്പൂര്‍: മമ്പാട് കെ.എസ്.ഇ.ബി സെക്ഷന്‍ ഓഫിസ് ക്യാഷ് കൗണ്ടര്‍ പ്രവര്‍ത്തനം ഇന്നു തുടങ്ങും. രാവിലെ പത്തിനു ഗ്രാമപഞ്ചായത്ത് പ്രസിഡന്റ് കണ്ണിയന്‍ റുഖിയ ഉദ്ഘാടനം ചെയ്യും. എക്‌സി. എന്‍ജിനിയര്‍ എം.പി രാജന്‍ അധ്യക്ഷനാകും.
സര്‍ക്കിള്‍ ഡെപ്യൂട്ടി ചീഫ് എന്‍ജിനിയര്‍ ശോശാമ്മ കുരുവിള മുഖ്യാതിഥിയാകും. കഴിഞ്ഞ മാര്‍ച്ചില്‍ സെക്ഷന്‍ ഓഫിസ് പ്രവര്‍ത്തനം തുടങ്ങിയിരുന്നുവെങ്കിലും ബില്ലടക്കാന്‍ സൗകര്യമേര്‍പ്പെടുത്തിയിരുന്നില്ല. ഇതുമൂലം കിലോമീറ്ററുകള്‍ താണ്ടി എടവണ്ണ സെക്ഷന്‍ ഓഫിസിലായിരുന്നു മമ്പാട്ടെ ഉപഭോക്താക്കള്‍ വൈദ്യുതി ബില്ലടച്ചിരുന്നത്.